ISBN 978-1-906587-26-0     Gan Goscinny ac Uderzo     Addasiad Alun Ceri Jones

Cyhoeddwyd yn 2012     48 tudalen, clawr meddal, 218mm x 287mm

Cyhoeddwyd gyda chefnogaeth ariannol Cyngor Llyfrau Cymru     © Hachette Livre    asterix.com

Asterix y Galiad

Mae’r Rhufeiniaid bron â thorri’u boliau eisiau gwybod beth yw cyfrinach nerth rhyfeddol Asterix a’i gyd-Galiaid sy’n byw yn y pentre gerllaw. Caiff y llengfilwr di–nod, Caligula Minus, ei anfon i ysbïo ar drigolion y pentre a dod o hyd i’r gyfrinach. Yno, mae’n cael swig o ddiod hud y derwydd Gwyddoniadix sy’n rhoi nerth goruwchddynol i’r Galiaid. Mae hynny’n ddigon o reswm i’r Rhufeiniaid gipio Gwyddoniadix — ond mae Asterix yn benderfynol o achub y derwydd,  ac ar yr un pryd ddysgu gwers i’r Rhufeiniaid a’u dwylo blewog.